▌美食 ▌又多一個日式打邊邊好選擇 - 三禾中日料理

平日我都好鍾意日式火鍋呢類,因為可以係咁食牛肉。
不過食來食去都係果幾間,今日就試下新野,
呢日黎到三禾中日料理,為嘅當然係任食打邊邊。

選擇勁多,而且有D菜名好攪鬼 :mad:



多款飲品選擇,揀了LOTTE的蘆薈汁飲,正!


未食邊邊前當然要點刺身黎食,
挪威三文魚、日本帆立貝、鮑魚片,
前兩者都很新鮮又夠味,
而鮑魚片似罐頭鮑片味。

揀左個日本北海道豆乳鍋湯底,正 :like:


極上安格斯牛小排、熊本豬梅肉片
牛味夠濃,要多多order

點了手打黑松露鮮豚肉滑、皮蛋薑汁貢丸、
仲有每日限量的手打牛肉鵝肝丸。
黑松露味很出,已經前後order了幾客,千祈唔好錯過。

原隻虎蝦真係好鮮甜

大魚大肉後不忘吃點疏菜,
油麥菜吸收過豐富的湯底後,實在太美味,
粟米又係勁清甜。

即焗朱古力心太軟配雲呢拿雪糕,是必食,
前後食了兩客,細細個心太軟岩岩好。
木糠布甸也不錯,而且造型得意。

總括這間食物水準,大部份都令我好滿意,特別係甜品,
120分鐘時間岩岩好,而侍應服務又OK,會令人有再去多次的好感。


三禾中日料理 尖沙咀加拿分道25-31號國際商業信貸銀行大廈8樓


歡迎聯絡試用/食或出席活動事宜
聯絡: strawberry3bbb@gmail.com


免責聲明: 
本文章所發表的全部內容均屬個人意見及感受,並不代表該品牌之言論及立場。 如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。


留言